دۆناڵد ترەمپ و ڤلادیمیر پوتین، لە ئەلاسکا کۆبوونەوەیەکی دووقۆڵی بەبێ ئامادەبوونی ئۆکرانیا ئەنجام دەدەن، سەرەڕای ئەوەی کیێڤ و هاوپەیمانە ئەوروپییەکانی جەختیان کردۆتەوە کە هیچ رێککەوتنێک بەبێ ئۆکرانیا نابێت.
ترەمپ رایگەیاندووە کە ئامانجی سەرەکی لەم کۆبوونەوەیە ئەوەیە بزانێت پوتین "نیاز و مەبەستی چییە".
ئەگەر کۆبوونەوەکە بەباشی بەڕێوەبچێت، رێککەوتنێکی خێرا لەگەڵ زێلینسکی، سەرۆکی ئۆکرانیا، ئەنجام دەدرێت، بەڵام ئەگەر شکست بهێنێت، ترەمپ بەڵێنی "دەرەنجامی سەخت"ی بۆ روسیا داوە.
