زەردەشت رەفیق، وتەبێژی شارەوانیی سلێمانی راگەیاند، لەپاش دروستبوونی ئاستەنگی هاتوچۆ بۆ شۆفێران، بڕیاریانداوە لەمەودوا كاری قیرتاوكردن و نۆژەنكردنەوەی رێگا سەرەكاییەكانی ناوشار رۆژانی پشوو (هەینی و شەممە) ئەنجامبدەن، بەوپێیەی دەوامی فەرمانگە حكومییەكان نییە و فشار لەسەر شەقامەكان كەمترە.
وتیشی، لەبەر قەیرانی دارایی و بارودۆخی دابەشنەكردنی مووچە، ناتوانن بە شەوان تیمەكانیان بهێننەوە سەركار و كاری نۆژەنكردنەوە و قیرتاوكردن ئەنجامبدەن بەڵام وەك شارەوانی زیاتر گرنگییان لەسەر رێگای سەرەكی و ئەو شوێنانەیە، كە زیاتر هاونیشتمانییان بەكاریدەهێنن.
