وەزارەتی نەوتی عیراق رایگەیاند، داهاتی هەناردەکردنی نەوتی مانگی حوزەیرانی رابردوو گەیشتووەتە شەش ملیار و 698 ملیۆن و 21 هەزار دۆلار.
بەگوێرەی ئاماری رەسمی کۆمپانیای سۆمۆ، لە مانگی حوزەیراندا، 98 ملیۆن و 882 هەزار و 613 بەرمیل نەوت هەناردەکراوە.
لەو بڕە، 97 ملیۆن و 718 هەزار و 994 بەرمیلی لە رێگەی کێڵگە نەوتییەکانی ناوەراست و باشوری عیراقەوە بووە، هاوکات بڕی 964 هەزار و 741 بەرمیل لە کێڵگەی گەیارەوە و 216 هەزار و 878 بەرمیلیش بۆ ئوردن هەناردەکراوە.