هێلین سیروان شێوەكارێكی گەنجە و دانیشتووی ئاكرێ-یە، دەرچووی بەشی ئینگلیزییە لە زانكۆی جیهان و ئێستا مامۆستای هونەرە، لە خوێندنگەیەكی تایبەت وانەی هونەر دەڵێتەوە.
هێلین بە دوالاپەڕەی وت: زیاتر لە 10 ساڵە بە پشتگیری دایك و باوكم سەرقاڵی هونەری شێوەكارییم، زۆرجار ئەوان بیرۆكەیان داومەتێ، بە گشتی زۆربەی تابلۆكانم لەسەر رەنگ و گوڵ و باخ و سروشتن و هەر تابلۆیەك چیرۆكێكی تایبەتی لە پشتە.
وتیشی: تا هەنووكە نزیكەی 80 تابلۆم كێشاوە، لە پارێزگای دهۆك تا رادەیەك كڕیار و خواست لەسەر تابلۆ هەیە، بۆیە زۆرجار لەسەر خواستی كڕیاران نیگار دەكێشم.
ئاماژەی بەوەشكرد كە هونەری شێوەكاریی، هەڵگری پەیام و جوانییە و بۆ مێشكی مرۆڤ هێوركەرەوەیە، تا ئێستا دوو پێشانگەی تایبەتم هەبووە و بەشداریشم لە شەش پێشانگەی هاوبەش كردووە.
ئاکرێ، ئەیاز محەمەد سەلیم
