ئیسماعیل بەقائی وتەبێژی وەزارەتی دەرەوەی ئێران رایگەیاند، باسکردنی دانوستاندن لەم کاتەدا بێمانایە، پەرلەمان سەرقاڵی ئامادەکردنی پرۆژەیاسایەکە بۆ کشانەوە لە رێککەوتنامەی قەدەغەکردنی بڵاوبوونەوەی چەکی ئەتۆمی.
بەقائی راشیگەیاندووە، هەماهەنگی تەواویان لەگەڵ وڵاتانی ناوچەکە هەیە، داواش لە کۆمەڵگەی نێو دەوڵەتی و ئەنجومەنی ئاسایش دەکەن ئێدانەی هێرش و بۆردومانەکانی ئیسرائیل بکات.
