پاڵەوانێتیی فۆرمۆلاوەن، نیوەی وەرزی خۆی تەواو كردووە

بە قۆناغی بەریتانیا، كۆی ئەو قۆناغانەی پاڵەوانێتیی فۆرمۆلاوەن كە تائێستا بەڕێوەچوون، گەیشتتنە 12 قۆناغ، ئێستا 12 قۆناغی تری پاڵەوانێتییەكە ماون بكرێن كە 13 یەمینیان قۆناغی بەلــجیكایە و رۆژی 27 ی ئەم مانگە دەکرێت.
لە قۆناغی بەریتانیادا، بۆ قۆناغی دووەمی یەك لەسەر یەك، هەردوو شۆفێری تیپی ماكلارین (لاندۆ نۆریس و ئۆسكار بیاستری) توانیان پلەكانی یەكەم و دووەم بگرن، پێشتر و لە قۆناغی نەمساشدا، هەر ئەم دوو شۆفێرەی تیپی ماكلارین یەكەم دووەم بوون.
رۆژی یەكشەممە 6/7/2025 قۆناغی بەریتانیا بەڕێوەچوو، ئەم قۆناغە دوانزەیەمین قۆناغی ئەم پاڵەوانێتییە بوو بەڕێوە بچێت، بەمەش پاڵەوانێتییەكە پێی نایە ناوەڕاستی وەرزی خۆیەوە، لەم قۆناغەی پاڵەوانێتییەكەدا، لاندۆ نۆریسی بەریتانی یەكەم و ئۆسكار بیاستری ئوسترالی دووەم و نیكۆ هۆڵكنبێرگی ئەڵمانی سێیەمی ئەم قۆناغەی پاڵەوانێتییەكە بوون.
پێشتر و لە قۆناغی نەمساشدا كە 11 یەمین قۆناغی پاڵەوانێتییەكە بوو، لەمیشدا هەردوو شۆفێری تیپی ماكلارین (لاند نۆریس و ئۆسكار بیاستری) توانیان پلەكانی یەكەم دووەم بگرن، شارل لۆكێر لە مۆناكۆ سێیەم بوو.
بەم دوو ئەنجامەی هەردوو قۆناغی نەمسا و بەریتانیا، هەردوو شۆفێری تیپی ماكلارین (لاند نۆریس و ئۆسكار بیاستری) باشتر پلەكانی یەكەم و دووەمی ریزبەندیی گشتی پاڵەوانێتییەكەیان گرتووە و بیاستری بە 234 خاڵ یەكەم و نۆریس بە 226 خاڵ پلەی دووەمی ریزبەندیی گشتییەو بە جیاوازییەكی زۆر لە پێش ماكس ڤێرستاپینی هۆڵەندی شۆفێری تیپی رێدبۆڵەوەن.

ریزبەندیی 
-1 ئۆسكار بیاستری-ئوسترالیا (ماكلارین- 234 خاڵ).
-2 لاندۆ نۆریس-بەریتانیا (ماكلارین -  226 خاڵ).
-3 ماكس ڤێرستاپین-هۆڵەندا (رێد بۆڵ-  165 خاڵ).
-4 جـــــــــــــــــــــــــــــــــــــۆرج راسل-بەریتانیا (مارسیدیس-147 خاڵ).
-5 شارل لۆكێر-مۆناكۆ (فیراری-119 خاڵ).
-6 لویس هامیڵتۆن-بەریتانیا (فیراری-113 خاڵ).
-7 ئەندریا كیمی ئەنتۆنێللی-ئیتاڵیا (مارسیدیس -  63 خاڵ).
-8 ئەلیكسەندەر ئالبۆن-تایلەند (ویلیامز- 46 خاڵ).
-9نیكۆ هۆڵكنبێرگ –ئەڵمانیا (ساوپەر- 37 خاڵ).
-10 ئیستیپیان ئاكۆن-فەرەنسا (هاس- 20 خاڵ).
-11 ئیساك هەجار-فەرنسا(مارسیدیس- 21 خاڵ).
-12 لانس سترۆڵ-كەنەدا(ئەستۆن مارتن- 20 خاڵ).
ئەم مانگە یۆلیۆ – تەموز، قۆناغێكی تری پاڵەوانێتییەكە بەڕێوە دەچێت كە قۆناغی بەلجیكایە:
*قۆناغی سیانزەیەم،  بەلجیكا-  27/7/2025.