سەرۆک کۆماری عیراق رایگەیاند، دەبێت ژنان تەواوی مافەکانیان دەستەبەر بکرێت و توندوتیژی دژیان پێچەوانەی یاسا و ئایینە.
لە وتارێکیدا لە حەڤدەهەمین کۆنگرەی رۆژی ئیسلامی، لەتیف رەشید وتی، دیاردەی توندوتیژی بەهۆی ململانێی سیاسی و تیرۆرەوە پەرەی سەندووە.
راشیگەیاند، داوا لە ئەنجومەنی نوێنەران دەکەن هەنگاوی جدی بنێن بۆ دەرکردنی یاسایەک کە دادپەروەرانە بێت بەرانبەر بە ژنان و هیوای خواست وەک هاوبەشێکی سەرەکی لە بونیادنانی نیشتیماندا تەواوی مافەکانیان وەربگرن.
